नवी दिल्ली : बँकांची बँक अशी ओळख असलेल्या भारतीय रिझर्व्ह बँकेकडून देशातील इतर बँकांसाठी नियम आखले जातात. त्यात आता रिझर्व्ह बँकेने चार सहकारी बँकांना दणका दिला असून, या बँकांना मॉनेटरी पेनल्टी लावली आहे. यामध्ये बँकांना वेगवेगळ्या रकमेचा दंड ठोठावला आहे.
धनेरा मर्केंटाइल को-ऑपरेटिव्ह बँक, द सर्वोदय सहकारी बँक, द जनता को-ऑपरेटिव्ह बँक आणि मणिनगर को-ऑपरेटिव्ह बँक या बँकांचा समावेश आहे. आरबीआयकडून बहुतांशी असे निर्णय घेतले जातात ज्यामुळे खातेधारकांना बँकिंग सुविधांचा लाभ अगदी सहज पद्धतीने घेता येईल. वेळ पडल्यास आरबीआय डबघाईला आलेल्या बँकांना आधारही देते आणि खातेधारकांची फसवेगिरी करणाऱ्या संस्थांना दंड ठोठावते.
याच आरबीआयने आता पुन्हा एकदा एक मोठा निर्णय घेत 4 बँकांवर मॉनेटरी पेनल्टी लावली आहे. आरबीआयने ज्या बँकांना दणका दिला आहे, त्यामध्ये बँकेच्या संचालकपदी असणाऱ्या एका व्यक्तीच्या नातेवाईकांना कर्जासाठी मान्यता देण्यात आल्यामुळे सर्वोदय सहकारी बँकेवर मौद्रिक दंड लावण्यात आला आहे.
मणिनगर बँकेला एक तर धनेराला साडेसहा लाखांचा दंड
सर्वोदय सहकारी बँकेत कर्ज देणाऱ्यांना संचालकच गॅरेंटर असल्याचे दिसून आले आहे. रिझर्व्ह बँकेने मणिनगर सहकारी बँकेला एक लाख रुपयांचा दंड ठोठावला. जनता सहकारी बँकेला 3.50 लाख रुपये तर धनेरा मर्केंटाईल बँकेला 6.50 लाख रुपये दंड ठोठावण्यात आला आहे.
