पुणे : हांडेवाडी येथील विघ्नहर्ता हौसिंग सोसायटीच्या पार्किंगमध्ये रविवारी (ता. २२) मध्यरात्री १ वाजण्याच्या सुमरास आग लागली. या आगीत ६ मोटरसायकल तसेच १ रिक्षा पूर्ण जळाली असून २ मोटर सायकल अर्धवट जळाल्याची माहिती आहे.
मिळालेल्या माहितीनुसार, जेएसपीएम ग्रुपच्या सिग्नेट पब्लिक स्कुलच्या पाठीमागे असलेल्या विघ्नहर्ता हौसिंग सोसायटीच्या पार्किंगमध्ये लावलेल्या वाहनांना रविवारी (ता. २२) मध्यरात्री १ वाजण्याच्या सुमारास आग लागली. या आगीमध्ये ६ मोटरसायकल आणि १ रिक्षा पुर्ण जळाल्या असून २ मोटरसायकल अर्धवट जळाल्या आहेत.
दरम्यान, ही वाहने इमारतीच्या ग्राउंड फ्लोअरवर पार्क केलेली होती. अग्निशमन बंब घटनास्थळी पोहोचण्यापूर्वीच लोकांनी वाळू व पाणी टाकून आग आटोक्यात आणल्याची माहिती आहे. पुन्हा आग भडकू नये, यासाठी अग्निशमन कर्मचाऱ्यांनी पाणी मारून तेथे कुलिंग केले आहे.
