(Pune Crime ) पुणे : ज्येष्ठ महिलेच्या चेहऱ्यावर रंग टाकून सोन्याचे दागिने लुटणाऱ्या चोरट्याला सहकारनगर पोलिसांनी अटक केली आहे.
सहकारनग पोलिसांनी आरोपीला ठोकल्या बेड्या…!
विक्रम माणिक पारखे (वय २१, रा. बालाजीनगर) असे अटक करण्यात आलेल्या चोरट्याचे नाव आहे. याप्रकरणी धनकवडीत येथील एका ७२ वर्षांच्या ज्येष्ठ महिलेने सहकारनगर पोलीस ठाण्यात फिर्याद दिली होती.
पोलिसांनी दिलेल्या माहितीनुसार, फिर्यादी ज्येष्ठ महिला धनकवडी भागात राहायला आहे. ज्येष्ठ महिला धनकवडीतील चैतन्यनगर भागातील मैदानाजवळून रविवारी (ता.१२) सकाळी पावणेनऊ वाजता चालल्या होत्या. त्या वेळी दुचाकीस्वार चोरटा महिलेजवळ थांबला आणि त्याने महिलेच्या चेहऱ्यावर रंग टाकला.
त्यानंतर फिर्यादी यांना काही समजायच्या आत चोरट्याने महिलेच्या गळ्यातील ८० हजार रुपयांचा सुवर्णहार हिसकावून पसार झाला. तसेच चोरट्याने ओळख लपविण्यासाठी चेहऱ्याला रंग लावला होता. याप्रकणी महिलेने सहकारनगर पोलीस ठाण्यात फिर्याद दिली. त्यानुसार एका अद्यात व्यक्तीवर गुन्हा दाखल करण्यात आला आहे.
सदर घटनेचा तपास करीत असताना, सहकारनगर पोलीस ठाण्याचे पोलीस अधिकारी, कर्मचारी घटनास्थळी दाखल झाले. आजींच्या गालाला रंग लागला होता. तोच पुरावा घेऊन पोलिसांनी असा रंग लावलेल्या मुलांचा शोध घेण्यास सुरुवात केली. परिसरातील सीसीटीव्ही तपासले. परिसरात अनेकांकडे चौकशी केली.
दरम्यान, पोलीस चौकशी करीत असताना पोलिसांनी आजींना लावलेल्या रंगावरुनच काही तासात या चोरट्यापर्यंत पोहचले आणि विक्रम पारखे याला अटक केली. त्यांच्याकडून चोरलेला सोन्याचा हार जप्त केला आहे. पुढील तपास सहायक पोलीस निरीक्षक समीर शेंडे करीत आहेत.
अधिक बातम्या वाचण्यासाठी येथे क्लिक करा :
