(Pimpri Chinchwad Crime )पिंपरी-चिंचवड : शहरातील भोसरी येथे एका महिलेवर धारदार शस्त्राने वार केल्याची धक्कादायक घटना समोर आली आहे. महिलेने सतत फोन का करतोस असा जाब विचारला यातून तिच्यावर वार करण्यात आला. यामध्ये महिला जखमी झाली आहे. हा प्रकार सोमवारी (दि. 10) सायंकाळी भोसरी येथे घडला.
माया बिराडे (वय 38, रा. गवळीनगर, भोसरी) असे वार करण्यात आलेल्या महिलीचे नाव आहे. याप्रकरणी महिलेने भोसरी पोलीस ठाण्यात तक्रार दाखल केली आहे. त्यावरून विनायक सर्जेराव कांबळे (रा. जाधववाडी, चिखली) याच्या विरोधात गुन्हा दाखल करण्यात आला आहे.
मिळालेल्या माहितीनुसार…!
माया यांचे आरोपी विनायक सोबत वैयक्तिक वाद होता. विनायक तक्रारदार महिलेला सतत फोन करत होता. दरम्यान महिलेले ‘तू सारखं मला का फोन करतो, असा जाब विचारला. त्यावरून आरोपी विनायक याने माया यांच्यावर शस्त्राने वार केले.हा प्रकार सायंकाळी सव्वासात वाजताच्या सुमारास छत्रपती शिवाजी महाराज हायस्कूल भोसरी जवळील लेनमध्ये घडला. माया यांच्या गळ्यावर वार केले असून त्या यामध्ये जखमी झाल्या आहेत. पुढील तपास पोलीस करत आहेत.
