Nagar News : कोतवाली, (नगर) : चोरीची मोटारसायकल विक्री करण्यासाठी आलेल्या दोघांना कोतवाली पोलिसांनी केडगाव बायपास चौकातून अटक केली आहे. मंगळवारी (ता. १२) दुपारी दीड वाजण्याच्या सुमारास दोघांना विना क्रमांकाच्या मोटरसायकलसह ताब्यात घेतले आहे.
कोतवाली पोलिसांची कामगिरी..
गजाजन हिलालसिंग मोरे (वय-२०, रा. गणपती कॉम्पलेक्स मागे रांजणगांव गणपती, पुणे, मुळ रा. पिंपळकुटा महादेव ता. मलकापुर जि. बुलडाणा), देवेंद्र विजेंद्र सपकाळे (वय २१, रा गणपती कॉम्पलेक्स मागे रांजणगाव रा. कोरेपानाचे ता. भुसावळ जि जळगाव) अशी ताब्यात घेतलेल्या दोघांची नावे आहेत.
कोतवाली पोलीस ठाण्याचे वरिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, पोलिसांना गुप्त बातमीदारामार्फत माहिती मिळाली होती की, विनाक्रमांकाची चोरीतील मोटरसायकल दोन इसम केडगाव बायपास परिसरात विक्री करण्यासाठी येणार आहेत. (Nagar News) या माहितीच्या आधारे कोतवाली पोलिसांच्या पथकाने लगेच केडगाव बायपास चौकात सापळा लावून संशयीत दोघांना ताब्यात घेतले.
त्यांच्याकडे अधिक चौकशी केली असता आरोपींनी चोरीची मोटरसायकल विक्री करण्यासाठी आलो असल्याची कबुली दिली आहे. या कारवाईत ३० हजार रुपये किमतीची मोटरसायकल जप्त करण्यात आली आहे.
सदरची कामगिरी पोलीस निरीक्षक चंद्रशेखर यादव, पोलीस अंमलदार तनवीर शेख, गणेश धोत्रे, योगेश भिंगारदिवे, अब्दुल कादर इनामदार, सलीम शेख, अभय कदम, संदिप थोरात, (Nagar News) अमोल गाढे, कैलास शिरसाठ, अतुल काजळे, सोमनाथ राऊत यांच्या पथकाने ही कारवाई केली.
