पुणे : सोशल मीडियामुळे काय होऊ शकते याची एक घटना बिहारच्या जमुई जिल्ह्यातील एका गावातून समोर आली आहे. जिथे दोन मुलांच्या आईने असे काही केले की संपूर्ण कुटुंब हादरले. सोशल मीडियामुळे या ३५ वर्षीय महिलेने स्वत:च्या हाताने आपले वैवाहिक जीवन उद्ध्वस्त केले. ती एका १५ वर्षांच्या अल्पवयीन मुलाच्या प्रेमात पडली.
मिळालेल्या माहितीनुसार ही महिला जेहानाबादमध्ये राहणाऱ्या एका १५ वर्षीय विद्यार्थ्याशी फेसबुक मेसेंजरवर चॅट करत होती. हळूहळू ती मुलाच्या प्रेमात पडली. दोघेही एकमेकांशी तासनतास गप्पा मारत. दोघे भेटण्यासाठी आतुर झाले असताना महिलेने एक बेत आखला. तिने जेहानाबाद येथे राहणाऱ्या मुलाला आपल्या घरी बोलावून नातलग असल्याचे सांगून घरात राहायला लावले.
दरम्यान, रात्री उशिरा महिला मुलासोबत शय्यासोबत करत असताना पतीने दोघांना रंगेहाथ पकडले. यानंतर गावातील मंदिराबाहेर महिलेचा पती आणि गावकऱ्यांनी मिळून मुलाची धुलाई केली. मात्र, यादरम्यान महिलेने त्याला वाचवण्याचा प्रयत्न केला.
यानंतर मुलाच्या कुटुंबीयांना याबाबत माहिती देण्यात आली. यानंतर गावप्रमुख आणि स्थानिक लोकांच्या मध्यस्थीनंतर मुलाला सोडण्यात आले. महिलेशी बोलणार नाही आणि भेटणार नाही, असे लेखी निवेदन मुलाकडून घेण्यात आले. पोलिसात हे प्रकरण गेले नसले तरी त्याचा व्हिडिओ व्हायरल होत आहे.
