Loni Kalbhor News लोणी काळभोर : कदमवाकवस्ती (ता. हवेली) येथील ५७ वर्षीय रिक्षाचालकाने नायलॉन दोरीच्या साहाय्याने गळफास घेऊन आत्महत्या केल्याची धक्कादायक घटना आज मंगळवारी (ता.११) सकाळी साडेअकरा वाजण्याच्या सुमारास उघडकीस आली.(Loni Kalbhor News)
सतीश शिवाजी शिंदे (वय-५७, फ्लॅट नं.१२, अंकित हाईट्स, संभाजी नगर, कदमवाकवस्ती, ता. हवेली जि. पुणे) असे आत्महत्या केलेल्या व्यक्तीचे नाव आहे. याप्रकरणी निशांत मांढरे यांनी लोणी काळभोर पोलिसांनी खबर दिली आहे .(Loni Kalbhor News)
या घटनेची माहिती मिळताच लोणी काळभोर पोलीस ठाण्याचे पोलीस अंमलदार दिगंबर जगताप व योगेश पाटील तातडीने घटनास्थळी दाखल झाले. पोलिसांनी नागरिकांच्या मदतीने मृतदेह खाली उतरविला. त्यानंतर पोलिसांनी सतीश शिंदे यांचा मृतदेह ताब्यात घेऊन पुण्यातील ससून रुग्णालयात शवविच्छेदनासाठी पाठविला आहे.(Loni Kalbhor News)
दरम्यान, सतीश शिंदे हे एक रिक्षाचालक म्हणून काम करीत होते. मागील बऱ्याच दिवसांपासून ते दीर्घ आजाराने ग्रस्त होते. त्यांनी या आजारपणाला कंटाळून आत्महत्या केली असावी, अशी प्राथमिक माहिती मिळत आहे. मात्र, शिंदे यांनी आत्महत्या का केली, याचे अद्याप कारण समोर आले नाही. पुढील तपास लोणी काळभोर पोलीस करीत आहेत.(Loni Kalbhor News)
