Loni Kalbhor Accident News लोणी काळभोर, (पुणे) : पुणे – सोलापूर राष्ट्रीय महामार्गावरील कदमवाकवस्ती (ता. हवेली) ग्रामपंचायत हद्दीतील ॲक्सिस बँकेजवळ भीषण अपघात झाल्याची घटना आज गुरुवारी (ता.२२) रात्री साडेनऊ वाजण्याच्या सुमारास घडली आहे. (Loni Kalbhor Accident News) या अपघातात दोघेजण गंभीर जखमी झाले आहे. (Loni Kalbhor Accident News)
अपघातात जखमी झालेल्यांची नावे
कुणाल कचराप्पा मलखांबे व ओमकार सोपान बंडलकर (दोघे रा, सिद्राम मळा, लोणी काळभोर, ता. हवेली, जि. पुणे) अशी जखमी झालेल्या दोघांची नावे आहेत.
मिळालेल्या माहितीनुसार, पुणे-सोलापूर राष्ट्रीय महामार्गावरून कुणाल आणि ओमकार हे दोघे ॲक्टिवावरून गुरुवारी (ता.२२) रात्री नऊ वाजण्याच्या घरी चालले होते. महामार्गावरून पुण्याकडून सोलापूरच्या दिशेकडे जात असताना, त्यांची दुचाकी कदमवाकवस्ती (ता. हवेली) ग्रामपंचायत हद्दीतील ॲक्सिस बँकेजवळ आली असता, त्यांच्या दुचाकीला आयशरने पाठीमागून जोरदार धडक दिली.
दरम्यान, या अपघातात कुणाल आणि ओमकार दोघे गंभीर जखमी झाले. तेव्हा दोन रिक्षाचालकांनी समयसूचकता दाखवून दोन्ही जखमींना लोणी काळभोर येथील एका बड्या रुग्णालयात उपचारासाठी दाखल केले. दोघांवरही उपचार सुरु असून त्यातील कुणाल याचा हात तर ओमकार याचा पाय फॅक्चर झाल्याची माहिती समोर येत आहे.
