jaipur domestic violence case : राजस्थानमध्ये एक धक्कादायक प्रकार घडला आहे. 2014 बॅचच्या आयएएस अधिकारी झालेलं एक जोडपं त्यांच्या कौटुंबिक हिंसाचाराच्या तक्रारीमुळे चर्चेत आलंय.
या आयएएस दाम्पत्याचा कौटुंबिक वाद हा घरापूरताचं न राहता चव्हाट्यावर आला आहे. 2014 बॅचच्या आयएएस अधिकारी भारती दीक्षित यांनी त्यांचे पती आशीष मोदी यांच्यावर गंभीर आरोप केले आहेत.
आणि या प्रकरणाची सोशल मीडियावर चांगलीचं चर्चा रंगली आहे.
पतीकडून अनैतिक संबंधांसाठी दबाव :
भारती दीक्षित यांचे पती आशीष मोदी हे त्यांना दारू पिऊन मारहाण करतात, अनैतिक संबंधांसाठी दबाव टाकतात. तसेच आशिष मोदी यांनी पिस्तूलाचा धाक दाखवत बंधक बनवून घटस्फोटासाठी धमकावल्याचा आरोप केला आहे.
मिळालेल्या माहितीनुसार, आयएएस भारती दीक्षित यांनी 7 नोव्हेंबर रोजी पोलिसात तक्रार दाखल केली. या प्रकरणी एसएमएस पोलीस स्टेशनमध्ये तक्रार दाखल करण्यात आली असून पोलीस आता या संपूर्ण प्रकरणाचा तपास करत आहेत.
“घटस्फोट घेण्यासाठी माझ्यावर दबाव आणला” :
तक्रारीत त्यांनी म्हटलं आहे की, त्यांचे पती आयएएस आशीष मोदी हे दारूच्या नशेत असतात. ते घरात आल्यावर खूप गोंधळ घालतात. इतकंच नाही, तर त्यांनी पत्नी भारती दीक्षित यांच्यावर शारीरिक अत्याचार केला आणि त्यांना पिस्तूल दाखवून धमकावल्याचं ही त्यांनी सांगितला. आशिष मोदी ने रुममध्ये छुपे कॅमेरे लावले होते. तसंच, घटस्फोट घेण्यासाठी माझ्यावर दबाव आणला, असा आरोप भरती दीक्षित यांनी केला आहे.
“मला डांबून ठेवलं धमकावलं” :
पतीकडून गेल्या अनेक दिवसांपासून मारहाण केली जातेय. तसंच पतीने मला बेकायदेशीरपणे डांबून ठेवले होतं आणि मला आणि माझ्या कुटुंबीयांना जीवे मारण्याची धमकीही आरोपी अधिकाऱ्याने दिल्याचे पत्नीने तक्रारीत म्हटलं आहे.
चौकशीनंतर नवीन माहिती येण्याची शक्यता :
दरम्यान, आशिष मोदी आणि भारतीय दिक्षित हे दोघेही राजस्थान कॅडरचे अधिकारी आहेत. भारती दीक्षित सध्या राजस्थान सरकारमध्ये संयुक्त सचिव पदावर कार्यरत आहेत, तर त्यांचे पती आशीष मोदी सामाजिक न्याय आणि अधिकारिता विभागात संचालक म्हणून काम पाहतात. पोलिसांनी भारती दीक्षित यांची तक्रार नोंदवून घेतली आहे. तसंच पोलीस या प्रकरणाचा तपास करत आहेत, चौकशीनंतर आणखी नवीन माहिती समोर येण्याची शक्यता आहे.
