श्रेया जाधव
Bhor News भोर : भोर तालुक्याच्या महूडे खोऱ्यातील शिंद येथील तरुण नीरा नदी पात्रात पोहण्यासाठी गेला असता पोहताना दम लागल्यामुळे तो बुडाल्याची घटना समोर आली आहे. हा घटनेनंतर परिसरात हळहळ व्यक्त केली जात आहे.
निशिकांत संभाजी मोहिते (वय-२५ ) असे पाण्यात बुडून मृत्यू झालेल्या तरुणाचे नाव आहे. ही घटना आज सोमवार दिनांक २४ दुपारी १२ च्या सुमारास नीरा नदी पात्रात घडली आहे.
भोर पोलिसांनी दिलेल्या माहितीनुसार…!
निशिकांत हा आपल्या दोन भाच्यांसह सोमवारी दुपारी बारा वाजता नीरा नदीच्या पाण्यात पोहण्यासाठी गेला होता. पोहताना त्याला अचानक दम लागला. त्याच्या भाच्यांनी आरडा ओरडा केल्यानंतर शेजारच्या शेतात काम करणाऱ्या शेतकऱ्यांनी त्याला बाहेर काढले. त्यानंतर त्यास रक्ताच्या उलट्या झाल्या. त्यास त्वरित भोर मधील उपजिल्हा रुग्णालयात उपचारासाठी दाखल करण्यात आले. त्यावेळी डॉक्टरांनी त्याला मृत घोषित केले.
