पुणे : पुणे मेट्रो स्थानकात सुरक्षारक्षकाच्या प्रसंगावधाणामुळे मोठा अनर्थ टळला. पुणे मेट्रो सुरक्षा रक्षक विकास बांगर याने प्रसंगावधान राखत ३ वर्षीय मुलगा आणि त्याच्या आईचे प्राण वाचवले आहे. 19 जानेवारी ला दुपारी अडीचच्या सुमारास सिव्हिल कोर्ट उन्नत मेट्रो स्थानक येथे फलाट क्रमांक २ वर एक तीन वर्षाचा मुलगा खेळत होता. त्यावेळी तो प्लॅटफॉर्मवरून रुळावर पडला. आपल्या मुलाला वाचवण्यासाठी त्याची आई धडपड करत होती, अशातच तिचाही तोल जाऊन ती पण रुळावर पडली.
हा प्रकार कामावर असलेल्या सुरक्षारक्षकाच्या लक्षात आला. त्यावेळी प्रसंगावधान राखत सुरक्षा रक्षक विकास बांगर याने त्यांचे प्राण वाचवले. विकास बांगरने दाखवलेल्या समयसूचकतेबद्दलआणि धाडसी कार्याबद्दल पुणे मेट्रोचे कार्यकारी संचालक डॉ. हेमंत सोनवणे व महाव्यवस्थापक सोमेश शर्मा यांच्या हस्ते सत्कार करण्यात आला.
नेमकं काय घडल?
१९ जानेवारीला पुणे मेट्रोच्या सिव्हिल कोर्ट उन्नत मेट्रो स्थानकावर प्रवाशी महिला आणि तिचा मुलागा कुठेतरी जात होते. त्या महिलेचा तीन वर्षाचा मुलगा फलाट क्रमांक दोनवर खेळत होता. खेळत असताना अचानक तो मेट्रोच्या रुळावर पडला. त्याला वाचवण्याचा प्रयत्न करताना त्या मुलाची आईदेखील रुळावर पडली. यावेळी कामावर असलेल्या विकास बांगर या सुरक्षारक्षकाने मुलाला ट्रॅकवर पडताना पाहिले.
यानंतर क्षणाचाही विलंब न करता प्रसंगावधान राखत फलाटावरील आपत्कालीन मेट्रो थांबविण्याचे प्लंजर (ई.एस.पी) बटन वेळीच दाबले. मेट्रोस्थानकावरील प्लंजर बटन दाबल्यामुळे त्या मार्गावरून जाणाऱ्या मेट्रोना सिग्नल मिळाला आणि त्या जागीच थांबून राहिल्या. सुरक्षा रक्षक बांगर यांनी प्लंजर बटन दाबले त्यावेळी स्थानक आणि मेट्रो यामधील अंतर केवळ ३० मीटर इतके होते. मेट्रो ट्रेन थांबल्यानंतर मुलगा आणि आईला सुखरूपरित्या रुळांवरून बाहेर काढण्यात आले.
पुणे मेट्रोच्या सुरक्षा रक्षकाने दोन जीव वाचवले
पुणे मेट्रो सुरक्षा रक्षक विकास बांगर याने प्रसंगावधान राखत ३ वर्षांच्या मुलाचे व त्याच्या आईचे प्राण वाचवले. आज दिनांक १९ जानेवारी २०२४ रोजी दुपारी २:२२ मिनिटांनी सिव्हिल कोर्ट उन्नत मेट्रो स्थानक येथे फलाट क्रमांक २ वरून एक 3… pic.twitter.com/Sax3jTq9zF
— Pune Metro Rail (@metrorailpune) January 19, 2024
