पुणे: पुणे महापालिकेच्या निवडणुकीचा (Pune Election) निकाल आता काही तासांवर येऊन ठेपला आहे. शहराच्या सत्ता कोणाच्या हातात जाणार, पुढील पाच वर्षांत पुण्याचा (Pune Mahapalika Election) कारभार कोण चालवणार, याचा फैसला 16 जानेवारी (Pune Election Result) रोजी होणार आहे. सकाळी 10 वाजता अधिकृत मतमोजणीला सुरुवात होणार असून, संपूर्ण शहराचं लक्ष याच एका दिवसाकडे लागलं आहे. (Latest Marathi News)
यंदाची निवडणूक अनेक अर्थांनी महत्त्वाची ठरली आहे. राजकीय पक्षांमधील सत्तासंघर्ष, नव्या नेतृत्वाची चाचपणी, तरुण उमेदवारांची वाढती संख्या आणि शहरातील प्रश्नांवर केंद्रित प्रचार यामुळे ही निवडणूक अत्यंत चुरशीची झाली आहे. त्यामुळे मतमोजणीचा दिवस केवळ निकालाचा नसून, पुण्याच्या राजकीय भविष्याचा निर्णय देणारा दिवस ठरणार आहे.
प्रशासनाने मतमोजणीसाठी शहरातील 15 केंद्रांवर मोठी तयारी केली आहे. एकूण 335 मतमोजणी टेबल लावण्यात आले असून, यामध्ये 38 टेबल टपाली मतदानासाठी आणि 297 टेबल ईव्हीएम मतमोजणीसाठी असणार आहेत. पुणे महापालिकेच्या 41 प्रभागांतील 165 जागांसाठी तब्बल 1 हजार 155 उमेदवार निवडणूक रिंगणात होते. त्यामुळे मतमोजणीची प्रक्रिया वेळखाऊ ठरण्याची शक्यता आहे.
प्रत्येक प्रभागासाठी किमान 4 आणि कमाल 12 फेऱ्यांमध्ये मतमोजणी होणार आहे. एका फेरीस साधारण 35 ते 45 मिनिटे लागणार आहेत. प्रशासनाचा प्रयत्न दुपारी 3 ते 4 वाजेपर्यंत बहुतांश प्रभागांचे निकाल जाहीर करण्याचा असला, तरी काही मोठ्या आणि चुरशीच्या प्रभागांत उमेदवारांची संख्या अधिक असल्याने तिथे फेऱ्यांची संख्या वाढणार आहे. त्यामुळे अशा प्रभागांचे निकाल उशिरा, म्हणजेच रात्री 10 वाजेपर्यंत लागण्याची शक्यता वर्तवली जात आहे.
यंदा मतमोजणी अधिक शिस्तबद्ध आणि पारदर्शक व्हावी, यासाठी प्रशासनाने ‘एका वेळी एका प्रभागाची मतमोजणी’ अशी पद्धत अवलंबली आहे. म्हणजे एका प्रभागाच्या सर्व फेऱ्या पूर्ण करून त्याचा निकाल जाहीर केला जाईल आणि त्यानंतर पुढील प्रभागाची मतमोजणी सुरू होईल. यामुळे गोंधळ टाळता येणार असून प्रत्येक प्रभागाचा निकाल स्पष्टपणे समोर येणार आहे.
पुणे महापालिकेच्या या निवडणुकीकडे राज्यातील सर्वच प्रमुख पक्षांचे लक्ष लागले आहे. पुणे हे राजकीयदृष्ट्या महत्त्वाचं शहर मानलं जातं. इथली सत्ता कोणाच्या हातात जाते, यावर आगामी विधानसभा आणि लोकसभा निवडणुकांच्या रणनिती ठरणार आहेत. त्यामुळे ही निवडणूक केवळ स्थानिक स्वराज्य संस्थेपुरती मर्यादित नसून, राज्याच्या राजकारणाची दिशा ठरवणारी ठरणार आहे.
मतमोजणीच्या दिवशी केंद्रांच्या परिसरात मोठी गर्दी होण्याची शक्यता आहे. उमेदवारांचे समर्थक, कार्यकर्ते, पक्षाचे नेते आणि माध्यमांचे प्रतिनिधी सकाळपासूनच केंद्रांबाहेर ठाण मांडून बसणार आहेत. त्यामुळे वाहतूक व्यवस्थापन, जमावबंदी आणि सुरक्षेच्या दृष्टीने विशेष नियोजन करण्यात आले आहे.
शहराच्या सत्तेचा फैसला दुपारपर्यंत बराचसा स्पष्ट होईल, मात्र खऱ्या अर्थाने अंतिम सत्ता समीकरण रात्री उशिराच ठरण्याची शक्यता आहे. पुणेकरांसाठी हा दिवस अत्यंत महत्त्वाचा असून, त्यांच्या मतदानातून निवडून येणारे नगरसेवक पुढील पाच वर्षे शहराचा कारभार, विकासकामे आणि धोरणं ठरवणार आहेत.
म्हणूनच 16 जानेवारी हा केवळ निकालाचा दिवस नसून, पुण्याच्या भवितव्याचा निर्णय घेणारा दिवस ठरणार आहे. शहराच्या राजकारणातील थरार, उत्सुकता आणि चुरस याच दिवशी शिगेला पोहोचणार आहे.
