पुणे : पोलीस ठाण्यात तक्रार घेऊन येणाऱ्या नागरिकांशी सौजन्याने वागवून प्रत्येकाची तक्रार ऐकून घेताना तक्रारींंचे निराकरण करावे, असे आदेश पोलीस महासंचालक रजनीश सेठ यांनी (ता. ४ ) शुक्रवारी दिले.
शिवाजीनगर पोलीस मुख्यालयातील वास्तू तसेच आवारातील पूर्व प्राथमिक प्रियदर्शिनी पब्लिक स्कूलच्या इमारतीचे नूतनीकरणाचे उद्घाटन पोलीस महासंचालक सेठ यांच्या हस्ते करण्यात आले यावेळी ते बोलत होते.
यावेळी, राज्याचे अतिरिक्त पोलीस महासंचालक (प्रशासन) अनुपकुमार सिंह, अतिरिक्त पोलीस महासंचालक (राज्य राखीव पोलिस दल) चिरंजीव प्रसाद, पोलीस आयुक्त अमिताभ गुप्ता, सहपोलीस आयुक्त संदीप कर्णिक, अतिरिक्त पोलीस आयुक्त डॉ. जालिंदर सुपेकर, राजेंद्र डहाळे, नामदेव चव्हाण, प्रियदर्शनी पब्लिक स्कूलचे कार्यकारी अधिकारी राजेंद सिंग, मुख्याध्यापक अर्पिता दीक्षित आदी उपस्थित होते.
