शिक्रापूर : शिरूर शहरात सुरू असलेल्या एका बांधकाम साईटवर उभ्या असेलल्या पोकलेनचे डिझेल वारंवार चोरीला जाण्याची घटना घडत होती. आता या घटनेत पोकलेन चालकच डिझेलचोर असल्याचे उघड झाले आहे. संजय चिंतामण साव (रा. बरही जि. हजारीबाग, झारखंड) असे चालकाचे नाव आहे.
याप्रकरणी सागर अशोक कर्डिले (वय ३२ रा. कुरुंद जि. अहमदनगर) यांनी शिरूर पोलीस ठाण्यात फिर्याद दिली आहे. शिरुर शहरातील हॉटेल गंगा ग्रंडच्या पाठीमागे एक बांधकाम साईट सुरु असून येथील एका पोकलेनचे यापूर्वी डिझेल चोरीला जाण्याच्या घटना घडल्या होत्या. नुकतेच येथील पोकलेन मालक सागर कर्डिले रात्रीच्या सुमारास तेथे आले असता त्यांना एक इसम डिझेल चोरी करताना दिसल्याने त्यांनी त्याला पकडले असता तो स्वतः पोकलेन चालक संजय साव असल्याचे समोर आले.
