पुणे : पुण्यातील येरवडा परिसरात नमाज पठण करण्यासाठी गेलेल्या तरुणावर कोयत्याने हल्ला करण्यात आल्याची धक्कादायक घटना उघडकीस आली आहे. कामगार नगरमध्ये बजरे मज्जित येथे नमाज पठण करण्यासाठी एक जण आला होता. त्यावेळी त्याच्यावर कोयता हल्ला करण्यात आला. या घटनेचा सीसीटीव्ही फुटेजदेखील व्हायरल झाला आहे. पूर्ववैमनस्यातून हा हल्ला करण्यात आल्याचे समजत आहे.
याबाबत अधिक माहिती अशी की, कामगार नगरमध्ये बजरे मज्जित येथे नमाज पठण करण्यासाठी एक जण आला होता. त्यावेळी त्याच्यावर काही टोळक्यांनी कोयता हल्ला केला. एक जण कोयत्याने मारहाण करत त्याच्या अंगावर धावून गेला, त्यावेळी तो मज्जिदमध्ये पळाल्याने त्याचा जीव वाचला. आरोपी त्या ठिकाणी फिरत होते. सीसीटीव्ही फुटेजमध्ये पाच-सहा जणांच्या हातामध्ये कोयता दिसत आहे. पोलीस CCTV च्या मदतीने आरोपींचा शोध घेत आहेत.
