पुणे : Pune Crime – पुणे शहरातील पर्वती गावात भल्या सकाळी पादचारी महिलेच्या (woman’s neck) गळ्यातील मंगळसूत्र (mangalsutra) दुचाकीस्वार चोरट्यांनी जबरदस्तीने हिसकावून (grabbed )नेल्याची घटना घडली. सोमवारी सकाळी पावणे सातच्या सुमारास हा प्रकार घडला आहे. ही महिला कचरा टाकण्यासाठी गेली असता चोरट्याने हात मारला. (Pune Crime)
३३ वर्षीय महिलेची दत्तवाडी पोलीस ठाण्यात तक्रार
याप्रकरणी ३३ वर्षीय महिलेने तक्रार दिली आहे. त्यानूसार दत्तवाडी पोलीस ठाण्यात दुचाकीवरील दोन अनोळखी चोरट्यांवर गुन्हा दाखल करण्यात आला आहे.
मिळालेल्या माहितीनुसार, तक्रारदार या सकाळी पावणे सातच्या सुमारास कचरा गाडी आल्याने कचरा टाकण्यासाठी आल्या होत्या. त्या पायी चालत असतानाच पाठिमागून दुचाकीवर आलेल्या चोरट्यांनी त्यांच्याजवळ येत गळ्यातील ७५ हजार रुपयांचे सोन्याचे मंगळसूत्र जबरदस्तीने हिसकावून चोरून नेले. महिलेने आरडाओरडा केला. परंतु, चोरटे पसार होण्यात यशस्वी झाले. पुढील तपास पोलीस करत आहेत.
