पुणे : कसब्यातील जनादेशाचा स्वीकार आम्ही करीत असून आपले आशीर्वाद मागण्यासाठी ‘आम्ही पुन्हा येऊ’ असे प्रतिपादन उपमुख्यमंत्री देवेंद्र फडणवीस यांनी केले आहे. तसेच चिंचवडमध्ये अश्विनी जगताप विजयी झाल्याने त्यांचे फडणवीस यांनी अभिनंदन केले.
कसबा आणि चिंचवड पोटनिवडणुकीच्या निकालाबाबत प्रतिक्रिया व्यक्त करताना देवेंद्र फडणवीस म्हणाले की, कसब्यातील जनतेचे आम्ही आभारी असून त्यांनी आम्हाला थोडे कमी आशीर्वाद दिले. तरी आम्ही जनादेशाचा स्वीकार करतो.
चिंचवडमध्ये अश्विनी जगताप विजयी झाल्याने त्यांचे अभिनंदन केले. विकासाला साथ देणाऱ्या चिंचवडवासीयांचे त्यांनी आभार मानले आहेत. हा विजय म्हणजे लक्ष्मण जगताप यांना आदरांजली असल्याचे फडणवीस यांनी सांगितले आहे.
