नवी दिल्ली: दिल्लीचे माजी मुख्यमंत्री अरविंद केजरीवाल यांच्यासाठी आजचा दिवस महत्वाचा ठरला आहे. कथित मद्यधोरण घोटाळ्याप्रकरणी न्यायालयाने केजरीवाल यांची निर्दोष मुक्तता केली आहे. ज्या आरोपांमुळे त्यांना तुरुंगवास भोगावा लागला आणि मुख्यमंत्रिपदाचा राजीनामा द्यावा लागला, त्यातून आता त्यांना पूर्णपणे क्लीन चिट मिळाली आहे.
दिल्ली सरकारच्या मद्यधोरणात भ्रष्टाचार झाल्याचा आरोप ठेवत तपास यंत्रणांनी केजरीवालांना अटक केली होती. या निकालामुळे आता आपच्या गोटात उत्साहाचे वातावरण आहे. आगामी निवडणुकांच्या पार्श्वभूमीवर ही मुक्तता केजरीवालांसाठी महत्वाची मानली जात आहे.
