मुंबई : राष्ट्रवादी काँग्रेस पक्षाचे आमदार रोहित पवार यांची आज पुन्हा दुसऱ्यांदा ईडी चौकशी होणार आहे. कथित बारामती अॅग्रो घोटाळ्याप्रकरणी यापूर्वी 24 जानेवारीलाही रोहित पवारांची ईडीकडून तब्बल 11 तास चौकशी करण्यात आली होती. त्यानंतर गुरुवारी पुन्हा त्यांची चौकशी होणार आहे. विशेष म्हणजे रोहित पवारांच्या चौकशीच्या पार्श्वभूमीवर खासदार शरद पवार यांच्या पत्नी प्रतिभा पवार दिवसभर पक्ष कार्यालयात बसणार आहेत.
आमदार रोहित पवार दुसऱ्यांदा ईडी चौकशीसाठी गेले आहेत. यावेळी रोहित पवार यांचे वडील राजेंद्र पवार देखील उपस्थित आहेत. दरम्यान, रोहित पवारांची चौकशी सुरु असताना शरद पवारांच्या पत्नी प्रतिभा पवार दिवसभर पक्ष कार्यालयात बसणार आहेत. तर, पहिल्या चौकशीच्या वेळी स्वतः शरद पवार दिवसभर पक्ष कार्यालयात बसून होते. विशेष म्हणजे ईडी कार्यालय आणि शरद पवार गटाचे कार्यालय अगदी जवळ आहे.
