Pune Crime पुणे : पुणे शहरातील विविध ठिकाणी रात्रीच नव्हे तर भरदिवसा घरफोडीच्या घटनांमध्ये वाढ झाली आहे. यामुळे नागरिक त्रासले आहेत. त्यामुळे पोलिसांसमोर अशा चोरट्यांना पकडण्याचे मोठे आव्हान होते.
आता अखेर पोलिसांनी धडक कारवाई करत घरफोडी करणाऱ्या सराईत चोरट्याला गुन्हे शाखा युनिट ३ च्या पोलिसांनी बेड्या ठोकल्या आहेत. त्याच्याकडून २०० ग्रॅम वजनाचे सुमारे ११ लाख रुपये किमतीचे सोन्याचे दागिने जप्त केले आहेत.
जयवंत उर्फ जेडी गवर्धन गायकवाड (वय ३४) असे अटक करण्यात आलेल्या सराईत गुन्हेगाराचे नाव आहे. धक्कादायक बाब म्हणजे जेडीवर पुणे शहर परिसरात केलेल्या घरफोडीचे ८० पेक्षा जास्त गुन्हे दाखल आहेत.
८० पेक्षा जास्त घरफोडीचे गुन्हे दाखल असल्याचे उघडकीस…!
पोलिसांनी दिलेल्या माहितीनुसार, जेडी मंगळवारी पुण्यातील भूमकर चौकात घरफोडीच्या साहित्यासह असल्याची माहिती पोलिसांनी मिळाली होती. त्यानुसार पोलिसांनी सापळा रचून जेडीला अटक केली. यावेळी त्याची कसून चौकशी केली असता त्याच्यावर जवळपास ८० पेक्षा जास्त घरफोडीचे गुन्हे दाखल असल्याचे उघडकीस आले. तसेच त्याच्याकडून सांगवी, सिंहगड रोड, दळेगाव दाभाडे परिसरात चोरी केलेले २०० ग्रॅम वजनाचे सुमारे ११ लाख रुपये किमतीचे सोन्याचे दागिने पोलिसांनी जप्त केले आहेत.
अधिक बातम्या वाचण्यासाठी येथे क्लिक करा….!
Pune News : पुणेकरांना दिलासा ! पुणे शहरात सध्या पाणीकपात नाही : पालकमंत्री चंद्रकांत पाटील
Pune Crime : पतीनेच काढले क्षणाचे व्हिडीओ अन नातेवाईकांना दाखविण्याची पत्नीला दिली धमकी
