मुंबई : नवऱ्याला सोडून वॉचमनशी प्रेम करणे विवाहितेला आपले प्राण गमवावे लागल्याची धक्कादायक घटना कोपरखैरणे येथे उघडकीस आली आहे. मृत महिलेने लग्नासाठी तगादा लावल्याने तिची हत्या करणाऱ्या प्रियकराला मुंबई गुन्हे शाखेच्या पोलिसांनी अटक केली आहे.
राजकुमार पाल असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, कोपरखैरणेतील खाडी किनाऱ्यालगतच्या झुडपामध्ये रविवारी (ता.१२) सायंकाळी एका महिलेचा मृतदेह आढळून आला होता. अज्ञात व्यक्तीने ओढणीने गळा आवळून तिची हत्या केली होती. पुरावा नष्ट करण्याच्या उद्देशाने तिचा मृतदेह खाडीमध्ये ढकलून दिल्याची धक्कादायक घटना समोर आली होती. या संदर्भात कोपरखैरणे पोलीस ठाण्यात गुन्हा दाखल करण्यात आला होता.
त्यानंतर पोलिसांनी याप्रकरणी गुन्हा दाखल करून महिलेची ओळख पटवण्यासाठी प्रयत्न सुरू केले. अखेर पोलिसांच्या तपासाला यश आले असून नवी मुंबई पोलिसांनी ४८ तासांच्या आत आरोपीचा शोध घेऊन अटक केली आहे.
दरम्यान, मृत महिला मानखुर्द येथे राहणारी असून तिचे लग्न झाले आहे. सदर महिला ही जुईनगर येथे एका सोसायटी मध्ये कामाला येत होती. तेव्हा तेथे काम करणाऱ्या राजकुमार पाल याच्याबरोबर तिचे प्रेम सबंध होते. ती सतत त्याला लग्नाचा तगादा लावत असल्याने आरोपी राजकुमार पाल याने तिची हत्या करून मृतदेह खाडीकिनारी टाकल्याची कबुली पोलिसांना दिली आहे.
