बारामती : शेतात जायला रस्ता नसल्याने एका शेतकऱ्याने आत्मदहनाचा प्रयत्न केल्याची घटना समोर आली आहे. ही घटना बारामती तालुक्यातील निरावागज येथे घडली आहे.
दत्तात्रेय शिवाजी भोसले असे आत्मदहन केलेल्या व्यक्तीचे नाव आहे.
मिळालेल्या माहिती नुसार, शेतात जायला रस्ता मिळत नसल्याने दत्तात्रेय भोसले यांनी आत्मदहनाचा प्रयत्न केला आहे. आत्मदहनाचा प्रयत्न करताना परिसरात मोठा गोंधळ झाला होता. या सगळ्याची माहिती मिळताच पोलिसांनी घटनास्थळी धाव घेतली.
घटनास्थळी बघ्यांनी गर्दी केली होती आणि कुटुंबियांनी देखील आक्रोश केला. त्यानंतर पोलिसांनी दत्तात्रेय भोसले ताब्यात घेतले. शेतातील रस्त्याच्या प्रश्नाबाबत होत असलेल्या अन्यायाबाबत प्रशासनाने दखल न घेतल्याने आत्मदहनाचा प्रयत्न केल्याचे दत्तात्रेय भोसले यांनी कबूल केले आहे.
