नवी दिल्ली : सध्या अनेक स्मार्टफोन्स लाँच केले जात आहेत. त्यात आता मार्च महिन्यात भारतात अनेक बेस्ट स्मार्टफोन लाँच केले जाणार आहेत. Poco, Samsung सारखे स्मार्टफोन मार्च 2025 मध्ये लाँच होऊ शकतात. या महिन्यात अनेक मोठ्या कंपन्या आपले नवीन स्मार्टफोन लाँच करण्याच्या तयारीत आहे.
बजेटपासून ते प्रीमियम स्मार्टफोन आणले जाणार आहेत. Poco M7 5G, iQOO 11, Nothing 4 आणि Xiaomi 2 येत्या काही दिवसांत लाँच केले जाऊ शकतात. Poco M7 5G या स्मार्टफोनमध्ये अनेक बेस्ट असे फीचर्स देण्यात आले आहेत. Poco M7 5G स्मार्टफोन मार्चच्या सुरुवातीलाच लाँच केला जाऊ शकतो. हा फोन 3 मार्च 2025 रोजी भारतात लाँच होण्याची शक्यता आहे. Poco चा नवीन आगामी एम-सीरीज स्मार्टफोन परवडणाऱ्या किंमतीत येणार आहे.
Poco M7 5G स्मार्टफोन भारतात सुमारे 10000 आणि 12000 रुपयांच्या किमतीत आणला जाण्याची शक्यता आहे. Poco ने त्याच्या अधिकृत X हँडलवर Poco M7 लाँच केले आहे. यामध्ये स्नॅपड्रॅगन प्रोसेसर आणि कर्व्ह कॅमेरा मॉड्यूल दिले जाऊ शकते. तसेच iQOO Neo 10R हा देखील बेस्ट असा पर्याय आहे. या फोनमध्ये Snapdragon 8s Gen 3 SoC प्रोसेसर दिला जाऊ शकतो. फोनला 80W फास्ट चार्जिंगसह 6400mAh बॅटरी सपोर्ट दिला जाऊ शकतो.
या फोनमध्ये 144 Hz रिफ्रेश रेटसह 6.78-इंच 1.5K AMOLED डिस्प्ले पॅनेल असू शकतो. कॅमेरासाठी, डिव्हाईसला 50MP प्रायमरी शूटर आणि OIS सह 8MP अल्ट्रावाइड सेन्सर दिले जाऊ शकते. तर सेल्फीसाठी डिव्हाईसमध्ये 32MP फ्रंट फेसिंग कॅमेरा दिला जाण्याची शक्यता आहे.
