नागपूर: नागपुरातून एक धक्कादायक बातमी समोर आली आहे. शहरातील रामनगर चौकात हत्येची घटना घडली आहे. घटनेची माहिती मिळताच पोलिसांनी घटनास्थळी दाखल होत तपास सुरू केला आहे.
मिळालेल्या माहितीनुसार, विशाल निकोसे असे मृत व्यक्तीचे नाव आहे. तो तिथेच रामनगर चौकात रस्त्याच्या बाजूला मेकॅनिक दुकान चालवण्याचे काम करत होता. दुकानाजवळच असलेल्या एका भाजीचे दुकान लावणाऱ्या व्यक्तीसोबत त्याचे मागील अनेक दिवसांपासून वाद होत होते. आजही दोघांमध्ये सुरुवातीला शाब्दिक वाद झाला आणि या वादातूनच हत्येची ही घटना घडली.
दरम्यान, पोलीस घटनास्थळी दाखल झाले असून तपास करत आहेत. हत्या करून आरोपी भाजीवाला फरार झाला आहे. हत्या करण्यासाठी वापरण्यात आलेला लोखंडी रॉड पोलिसांनी जप्त केला आहे. शहरातील अत्यंत वर्दळीच्या आणि मुख्य रस्त्यावरच हत्येची घटना घडल्याने परिसरात खळबळ उडाली आहे.
