परभणी: २४ वर्षीय कंत्राटी कर्मचारी समीर खानची मृत्यू झाल्याने परिसरात खळबळ उडाली आहे. जिल्हाधिकारी कार्यालयात आवक-जावक विभागात होता. तो आठ वर्षांपासून तेथे काम करत होता आणि त्याला पोलिस अधिकारी बनण्याची इच्छा होती, तो पोलिस भरती परीक्षेची तयारी करत होता. डॉ. बाबासाहेब आंबेडकर जयंतीची सार्वजनिक सुट्टी असल्याने सोमवार, १४ एप्रिल रोजी पोलिस भरतीच्या शारीरिक चाचण्यांसाठी सराव केल्यानंतर समीरला अस्वस्थ वाटत होते. समीरला अचानक खूप घाम आला, शरीराचे तापमान वाढणे यासारखी लक्षणे जाणवली, ज्यामुळे त्याच्या नातेवाईकांनी त्याला रुग्णालयात दाखल केले. दुर्दैवाने, उपचारादरम्यान त्याचा मृत्यू झाला.
समीरच्या पश्चात आईवडील, दोन भाऊ, पत्नी आणि चार महिन्यांचा मुलगा असा परिवार आहे. समीरचे लग्न होऊन फक्त दीड वर्ष झाले होते. दरम्यान, समीरच्या निधनामुळे परिसरात हळहळ व्यक्त केली जात आहे.
