पुणे: पुण्याहून मुंबईकडे जाणाऱ्या महामंडळाच्या बस ने अचानक पेट घेतल्याची घटना घडली आहे. हि घटना पुणे – मुंबई मार्गावर घडली आहे.महामंडळाच्या बस ला अचानक भीषण आग लागली. पुण्याकडून मुंबईकडे जाणाऱ्या शिवशाही बसने अचानक पेट घेतला. यामुळे रस्त्यावर मोठी वाहतूक कोंडी झाली होती. ही घटना सकाळी नऊच्या सुमारास घडली आहे. या शिवशाही बसमध्ये १२ प्रवासी प्रवास करत होते. सुदैवाने मोठी दुर्घटना टळली आहे.
घटनेबाबत अधिक माहिती अशी की, पुण्याकडून मुंबईकडे शिवशाही बस निघाली होती. धावत्या बसने अचानक पेट घेतला.मात्र सुदैवाने यात कुठलीही जीवितहानी झालेली नाही. चालकाने प्रसंग सावध राहात सर्व प्रवाश्यांना सुखरूप बाहेर काढलं. या घटनेत कोणीही जखमी झालेलं नाही. या घटनेमुळे काही वेळ मुंबईकडे जाणारा रस्त्यावर वाहतूक कोंडी झाली होती. घटनेच्या ठिकाणी तात्काळ अग्निशमन दल पोहचुन त्यांनी आग विझवली आहे. मात्र अश्या घटनांमध्ये वाढ होत आहे.