पुणे : पुण्यात एका बेकायदेशीरपणे वास्तव्य करणाऱ्या बांगलादेशी इसमास भारती विद्यापीठ पोलिसांनी पकडले आहे. रियाजूल मामरुल मुल्ला (वय २५, सध्या रा. आंबेगाव खुर्द) असे त्याचे नाव आहे. त्याच्याविरुद्ध परकीय नागरिक कायदा कलम 14 अन्वये, तसेच पारपत्र अधिनियम, व परकीय नागरिक आदेश कायद्यान्वये गुन्हा दाखल करण्यात आला आहे. यासंबंधी पोलीस हवालदार रवींद्र चिप्पा यांनी याबाबत भारती विद्यापीठ पोलीस ठाण्यात फिर्याद दिली.
पोलिसांनी दिलेल्या माहितीनुसार, रियाजूल मुल्ला मूळचा बांगलादेशचा आहे. पुण्यातील तो कात्रज भागातील आंबेगाव खुर्द परिसरात बेकायदा वास्तव्य करत आहे अशी माहिती भारती विद्यापीठ पोलिसांच्या तपास पथकाला मिळाली. त्यानंतर तातडीने पोलिसांनी त्याला आंबेगाव खुर्द परिसरातून शनिवारी(8 मार्च) ताब्यात घेतले आहे.न त्यानंतर रात्री उशीरा त्याच्याविरुद्ध गुन्हा दाखल करण्यात आला.
वरिष्ठ पोलीस निरीक्षक शरद झिने यांच्या मार्गदर्शनाखाली ही कारवाई करण्यात आली. या प्रकारणाचा पोलीस उपनिरीक्षक युवराज शिंदे अधिक तपास करत आहेत.
