मुंबई: मुंबईतील युवक काँग्रेसने राज्यातील बेरोजगारी, महिलांची सुरक्षा आणि शेतकऱ्यांचे हक्क या गंभीर प्रश्नांकडे लक्ष वेधण्यासाठी मोर्चा काढला आहे. या निषेध मोर्चाला “युवा निषेध मार्च” असे नाव देण्यात आले आहे. कुणाल राऊत यांच्या नेतृत्वाखाली सुरु झालेल्या या आंदोलनात राज्यभरातून शेकडो युवा कार्यकर्ते आणि नेते सहभागी झाले आहेत. लाल महाल ते मुंबई अशी पदयात्रा युवक काँग्रेसने जाहीर केली होती. शनिवारी सायंकाळी युवा निषेध मार्चला सुरुवात झाल्यानंतर पोलिसांनी लगेचच पुण्यातील शिवाजीनगरजवळ यात्रा अडवली होती. पोलिसांनी मोर्चा थांबवून अनेक कार्यकर्त्यांना अटक करूनही निदर्शने सुरूच ठेवली. प्रत्येक व्यक्तीला लोकशाहीत आपले मत मांडण्याचा घटनात्मक अधिकार देण्यात आला असताना आणि आंदोलनाचे स्वरूप शांततामय असूनही पोलिसांनी मोर्चा थांबवला आणि युवक काँग्रेसच्या कार्यकर्त्यांना अटक केली. पोलिसांच्या या कारवाईचा निषेध करत युवक काँग्रेसने हा लोकशाहीवर हल्ला असल्याचे म्हंटले आहे. दरम्यान, पोलिसांच्या कारवाईनंतरही युवक, शेतकरी, महिला आणि सर्वसामान्यांच्या न्याय्य हक्कांसाठी लढा सुरूच ठेवण्याचा निर्धार संघटनेने केला आहे.
काय आहेत प्रमुख मागण्या:
- वाढत्या बेरोजगारीवर उपाययोजना : राज्यातील वाढत्या बेरोजगारीच्या समस्येवर सरकारने तातडीने कारवाई करावी, अशी युवक काँग्रेसची मागणी आहे.
- महिला सुरक्षा: महिलांच्या सुरक्षिततेसाठी कठोर कायदे आणि अधिक प्रभावी अंमलबजावणीसह वाढीव उपायांची मागणी, अशी युवक काँग्रेसची मागणी आहे.
- शेतकऱ्यांचे हक्क: युवक काँग्रेस शेतकऱ्यांना योग्य मोबदला आणि राज्यातील शेतकरीच्या आत्महत्यांच्या समस्येकडे लक्ष वेधण्यासाठी कारवाईची मागणी करत आहे.
युवा निषेध मार्च
बेरोजगारी, महिलांची सुरक्षा, शेतकऱ्यांच्या हक्काच्या प्रश्नांवर कारवाईच्या मागणीसाठी 19 मार्चला विधानसभेबाहेर तीव्र आंदोलन करणार असल्याची घोषणा युवक काँग्रेसने केली आहे. या आंदोलनाला राज्यभरातून हजारो युवा कार्यकर्ते आणि नेते उपस्थित राहण्याची शक्यता आहे. युवक काँग्रेसने या प्रश्नांवर सरकारने तातडीने कार्यवाही करावी, असे आवाहन करून युवक, शेतकरी, महिला आणि सर्वसामान्यांच्या हक्कांसाठी लढा सुरू ठेवण्याचा निर्धार व्यक्त केला आहे.
