मुंबई : महाराष्ट्र शासनाच्या विविध योजनांची सर्वसामान्य नागरिकांना माहिती पोहचवण्यासाठी ‘मुख्यमंत्री योजनादूत’ उपक्रम सुरु करण्यात आला आहे. या योजनेला उमेदवारांकडून मिळणारा प्रतिसाद पाहता मुदतवाढ देण्यात आली असून आता इच्छुक उमेदवारांना ३० सप्टेंबर २०२४ पर्यंत नोंदणी अर्ज दाखल करता येणार आहे. इच्छुक उमेदवारांनी http://www.mahayojanadoot.org या संकेतस्थळाला भेट देऊन अर्ज करावा, असे आवाहन माहिती व जनसंपर्क महासंचालनालयामार्फत करण्यात आले आहे.
मुख्यमंत्री योजनादूत उपक्रमासाठी केलेला ऑनलाईन अर्ज, आधार कार्ड, पदवी उत्तीर्ण असल्याबाबतची पुराव्यादाखल कागदपत्रे किंवा प्रमाणपत्र, अधिवासाचा दाखला. (सक्षम यंत्रणेने दिलेला), उमेदवाराकडे आधार जोडणी असलेल्या बँक खात्याचा पुरावा, पासपोर्ट आकाराचा फोटो, हमीपत्र (ऑनलाईन अर्जासोबतच्या नमुन्यामधील) नियुक्तीवेळी सादर करणे आवश्यक आहे. ३० सप्टेंबरपर्यंत इच्छुक उमेदवारांना http://www.mahayojanadoot.org या संकेतस्थळावर नोंदणी करता येणार आहे. योजनादूत पोर्टलवर ज्या उमेदवारांनी नोंदणी केली आहे, अशा उमेदवारांनी Apply बटन दाबून अर्ज Submit करायला विसरू नये. त्याशिवाय नोंदणीची प्रक्रिया पूर्ण होणार नाही.
