पुणे प्राईम न्यूज डेस्क: कोणत्याही नात्यात प्रेम, विश्वास असेल तर ते नातं चांगलं घट्ट असं टिकू शकतं. त्यामुळे नात्यात विश्वास निर्माण होईल, याकडे लक्ष देणे गरजेचे आहे. पती-पत्नीमधील घटस्फोटाचा सर्वाधिक त्रास मुलांना होतो यात शंका नाही. ज्या वयात त्यांना नातेसंबंधांचे महत्त्व समजते, तेव्हा त्यांना त्यांच्या आई किंवा वडिलांपैकी एकाची निवड करावी लागते. त्यामुळे घटस्फोटासारखा निर्णय घेताना योग्य काळजी घेणे आवश्यक आहे.
विशेषत: जर तुमच्या मुलाचे वय 6-12 वर्षांच्या दरम्यान असेल. तर विशेष खबरदारी घेणे आवश्यक असते. कारण, या वयात मूल आयुष्याच्या अशा टप्प्यावर असते जिथे त्याला काही गोष्टी चांगल्याप्रकारे समजत नाहीत. तसेच, या वयात प्रत्येक मूल इतरांसमोर त्याच्या आयुष्याबद्दल खूप गंभीर असते. या वयात घडलेल्या चांगल्या-वाईट घटना त्याला आयुष्यभर आठवतात. म्हणून, या वयात, पालकांनी मुलाचे संगोपन करण्यासाठी खूप जवळून काम केले पाहिजे जेणेकरून तो भावनिकदृष्ट्या निरोगी राहील.
तुमच्या घटस्फोटाचा मुलांवर विपरीत असा परिणाम होऊ शकतो. त्यात घटस्फोटाची बातमी ऐकून मुलांना अनेकदा गोंधळ, राग, दुःख, भीती अशा भावनांचा अनुभव येतो. असे का होत आहे आणि त्यांचे भविष्य कसे असेल हे समजणे त्यांना कठीण जाते. पालकांच्या घटस्फोटामुळे मुलांमधील सुरक्षिततेची भावना कमकुवत होऊ शकते.
घरातील वातावरण तणावपूर्ण बनते, त्यामुळे मुलांना असुरक्षित वाटू शकते. घटस्फोटामुळे मुलांच्या शिक्षणावरही परिणाम होतो. त्यांना वर्गात लक्ष केंद्रित करणे कठीण होऊ शकते. त्यामुळे या गोष्टींकडे लक्ष देणे गरजेचे आहे.
