Rupali Chakanakar : मुंबई : स्वयंघोषित बाबा अशोक खरात प्रकरणात राष्ट्रवादी काँग्रेसच्या नेत्या रूपाली चाकणकर रविवारी विशेष तपास पथकासमोर (SIT) चौकशीसाठी हजर झाल्या. बलात्कार, लैंगिक शोषण आणि आर्थिक फसवणुकीसारख्या गंभीर आरोपांमध्ये अटकेत असलेल्या अशोक खरातसोबतच्या कथित संबंधांच्या पार्श्वभूमीवर त्यांची चौकशी करण्यात आली. याप्रकरणी सुरू असलेल्या तपासाला आपण पूर्ण सहकार्य करणार असल्याची भूमिका चाकणकर यांनी स्पष्ट केली. Rupali Chakanakar
नाशिक पोलिसांनी 18 मार्च रोजी अशोक खरातला एका महिलेवर वारंवार बलात्कार केल्याच्या आरोपाखाली अटक केली होती. तपासादरम्यान लैंगिक अत्याचार, जमिनी बळकावणे, आर्थिक गैरव्यवहार तसेच काळ्या जादूच्या माध्यमातून फसवणूक केल्याचे धक्कादायक प्रकार समोर आले. या प्रकरणातील नाशिक आणि अहिल्यानगर जिल्ह्यातील 12 गुन्ह्यांच्या तपासासाठी राज्य सरकारने विशेष तपास पथकाची स्थापना केली आहे. Rupali Chakanakar
खरातसोबतचे संबंध चर्चेत आल्यानंतर रूपाली चाकणकर यांनी राज्य महिला आयोगाच्या अध्यक्षपदाचा तसेच राष्ट्रवादी काँग्रेस महिला आघाडीच्या प्रमुखपदाचा राजीनामा दिला होता. दरम्यान, चौकशीसाठी नाशिकमध्ये पोहोचल्यानंतर माध्यमांशी बोलताना त्यांनी तपास अधिकाऱ्यांनी विचारलेल्या सर्व प्रश्नांना उत्तर देण्याची तयारी दर्शवली. Rupali Chakanakar
“एसआयटी तपासात जे काही प्रश्न विचारले जातील, त्यासंदर्भात माझ्याकडून पूर्ण सहकार्य असेल. तपास यंत्रणेला आवश्यक ती मदत करण्याची माझी जबाबदारी आहे,” असे चाकणकर यांनी सांगितले. Rupali Chakanakar
तसेच, “सध्या अनेक शंका उपस्थित केल्या जात आहेत. मात्र, तपास पूर्ण झाल्यानंतरच सत्य समोर येईल. त्यामुळे तपास प्रक्रियेला सहकार्य करणे हेच माझे कर्तव्य आहे,” अशी प्रतिक्रिया त्यांनी दिली. Rupali Chakanakar
