पुणे : गेल्या काही दिवसांपासून वैवाहिक जीवनातल्या वादातून हत्याकांडाच्या घटना समोर येण्याच प्रमाण वाढल असताना आता पुण्यातील रहिवासी असणाऱ्या तरुणीची बंगळुरमध्ये हत्या झाल्याची धक्कादायक घटना उघडकीस आली आहे.आयटी कंपनीत नोकरी करणाऱ्या इंजिनियर तरुणाने बंगळुरमध्ये आपल्या पत्नीची चाकूने सपासप वार करून निर्घृण हत्या केली असल्याची माहिती समोर आली आहे.
याबाबत अधिक माहिती अशी की, महाराष्ट्रातील राकेश खेडकर नावाच्या व्यक्तीने पत्नी गौरी सांबेकर हिचा खून केला आहे. राकेश आणि गौरी यांचं दोन वर्षापूर्वी लग्न झालं होतं. दोघेही एका खाजगी कंपनीत कामाला असून सध्या वर्क फ्रॉम करत होते. त्या दोघांच्यात अनेकदा किरकोळ कारणावरून वाद होत होता.बुधवारी रात्री जेवण करत असताना दोघांमध्ये पुन्हा असाच वाद झाला. हा वाद इतका विकोपाला गेला की रागाच्या भरात गौरीने राकेशवर हात उचलला. त्याचा राग अनावर झाल्यानंतर राकेशने गौरीवर चाकूने सपासप वार केले . या हत्येनंतर राकेशने गौरीचा मृतदेह एका मोठ्या ट्रॅव्हल सुटकेसमध्ये भरला आणि बाथरूममधून त्याने पळ काढला. या घटनेने सर्वत्र संताप व्यक्त केला जात आहे.
या हत्येनंतर आरोपीनं पीडितेचा मृतदेह एका सुटकेसमध्ये भरून ठेवला होता. यानंतर आरोपी घटनास्थळावरून फरार झाला. पण हत्येनंतर अवघ्या २४ तासांत पोलिसांनी पुण्याजवळून आरोपीच्या मुसक्या आवळल्या आहेत. आरोपीला आता बंगळुरूला आणलं जात आहे.आरोपीनं बुधवारी रात्री गौरीची निर्घृण हत्या केली. यानंतर तिच्या शरीराचे तुकडे करून सुटकेसमध्ये भरल्याचं सांगितलं जात आहे. मात्र मृतदेहाचे खरंच तुकडे केले होते का? याला पोलिसांनी अद्याप दुजोरा दिला नाही.
