गोंदिया : जिल्ह्यातील अर्जुनी तालुक्यात खजरी गावाजवळ शिवशाही बसचा भीषण अपघात झाल्याची धक्कादायक घटना घडली आहे. या अपघातात 8 जणांचा मृत्यू झाल्याची माहिती समोर येत आहे. तर 30 ते 35 जण जखमी झाले आहेत. तसेच अपघातग्रस्त बसमधील जखमी प्रवाशांना रुग्णालयात दाखल करण्यात आलं आहे.
मिळालेल्या माहितीनुसार, गोंदिया जिल्ह्यातील अर्जुनी ते गोंदिया रोडवर शिवशाही बसचा अपघात झाला आहे. ही बस नागपूरकडून गोंदियाच्या दिशेने जात असताना रस्त्यावर उलटली. या भीषण अपघातामध्ये आठ जणांचा मृत्यू झाला असून 30 ते 35 जण जखमी झाले आहेत. मृतांचा आकडा आणखी वाढण्याची शक्यता वर्तवण्यात आली आहे.
घटनास्थळी पोलीस आणि प्रशासन दाखल झाले असून बचावकार्य सुरु आहे.
