पुणे : महाराष्ट्र विधानसभा निवडणुकीची मतमोजणी सुरु झाली आहे. सुरवातीला टपाल मतमोजणी सुरु असून सुरवातीच्या कलामध्ये महायुती आघाडीवर दिसत आहे. कोथरुड विधानसभा मतदारसंघातून महायुतीचे चंद्रकांत पाटील आघाडीवर असून मविआचे चंद्रकांत मोकाटे पिछाडीवर आहेत. अडीच वर्षांमध्ये झालेल्या राजकीय उलथापालथी, सत्तासंघर्ष, पक्षफुटी यामुळे महाराष्ट्राचे राजकारण ढवळून निघाले आहे. या पार्श्वभूमीवर, २० नोव्हेंबर रोजी राज्यात विधानसभा निवडणुकीचे मतदान पार पडल्यानंतर आज २३ नोव्हेंबर २०२४ रोजी निकाल जाहीर होत आहेत.
मतमोजणीला सुरुवात झाली असून प्राथमिक कलामध्ये कोथरुड विधानसभा मतदारसंघातून महायुतीचे चंद्रकांत पाटील आघाडीवर आहेत. कोथरुड विधानसभा मतदारसंघात महायुतीकडून भाजपचे चंद्रकांत पाटील मैदानात आहेत तर महाविकास आघाडीकडून शिवसेना उद्धव ठाकरे गटाचे चंद्रकांत मोकाटे मैदानात उतरले आहेत.
